Tierra Aragonesa. Identidad y soberanía

• Foro
• Blogs
• Bideos
• Galería Fotografica
• Facebook
• Afillar-se
• Ficha Simpatizant
• Boletín Notizias
• Aria Pribata
• Campaña Firmas
• Campaña Fueros
• Decumentos
• Botiga
• TA en a Prensa
• Fe a tuya proposa
• Ayuta economica
• Da-nos a tuya opinión
• Organizazión

Semos nazionalistas

Porque ye l'ambiesta nazionalista de a reyalidat politica y sozial d'Aragón, a millor traza d'empensar as millors politicas que se bi amenistan ta o desembolique sozioeconomico. Estar nazionalista aragonés sinifica simplament querer empentar a Aragón dende un plano politico, economico, sozial y cultural con ambiesta de futuro y, más que más, sin calar-li denguna muga.

Como diziba Ana Arendt, "A boluntat ye o nuestro organo mental de o futuro, de a mesma forma que a memoria lo ye de o pasato". A inmediatez de a chestión politica autual y un caráuter extemadament utilitarista, no nos dixa alufrar o conchunto de posibilidatz que se pueden orientar enta un eficaz politca a o serbizio de a soziedat. Os ziudadanos aragoneses asperian a que a suya clase politica seiga más que raditos chestors de a politica cutiana. Asperan que os líders politicos seigan capazes de proyeutar o futuro y entusiasmar con as uya ambiesta. No debemos olbidar que, que grazias a las ambiestas, dende o prenzipio de a istoria de o mundo, os sers umanos han puesto establexer relazions en contestos más y más grans.

O nuebo mensache nazional aragonés ha de consistir en primer puesto en fer eboluzionar a la soziedat, desembolicar as cualidatz umanas asinas como una moral coleutiba. De resultas que ha de procupar-se de a restaurazión de as birtutz zibicas, de l'aimor a la nuestra tierra y de a libertat. A libertat nezesita de a birtut zibil de os ziudadanos, ixa birtut que lis fa replecar que o suyo intrés indibidual forma parti de o bien común.

Toda soziedat tiene conformata ideyas coleutiba que plegan enta inmensa mayoría de os ziudadanos, y por as que se regla. Nusatros creyemos alazetal ta que o Pueblo Aragonés tienga un futuro de prosperidat, fa falta una nueba ideya, propia y común que supose o blinco ebolutibo enta o post aragonesismo que a sozieat aragonesa nezesita, o cual ta nusatros se resume breument:

"Aragón debe recuperar a suya propia soberanía politica y economica ta costruyir un futuro reyalment próspero. De o contrario, o esdebenidero será difuera d'Aragón".

Ista ideya, que consideramos o prenzipio alazetal de o nuestro pensamiento politico, implica un pensamiento nazional aragonés, ye dizir conzebir a Aragón como país y nazión esferenziato, y a o que cal rispetar y se debe adempribiar a boluntat soberana de o nuestro Pueblo, dende un prenzipio d'unilateralidat.

D'atro costato, Aragón y un territorio rico en dibersidat cultural y lingüistica y ye patrimonio nuestro de toz os aragoneses. A bariedat que carauteriza a o nuestro país no s'amuga a determinatas redoladas, sino que as atrabiesa, en estando ístas también dibersas en o suyo interior. Tota ixa dibersidat de o nuestro país, a baridat de as suyas lenguas, y as suyas modalidatz, cal que troben a suya esprisión politica y por ixo a la dibersidat sozial, bi adibimos a pluralidat politica. Os Nazionalista semos qui millor espriasmo ista ideya d'Aragón, integradora en a suya dibersidat.

O pensamiento nazionalista que empentamos tiene as siguients carauteristicas:

. A recostruzión nazional d'Aragón: Empentar un prozeso istorico, con l'ochetibo final de a ricuperazión de a plena soberanía y economica. Empentamos un mensache naizoanl aragonés como unica forma posible ta consiguir-lo.

. A libertat de o Pueblo Aragonés, implica guaranziar un futuro que agora ye inzierto, de progreso sozial y economico ta totz os ziudadanos aragoneses, dende o rispeto a la pluralidat, libertat, igualdat d'oportunidatz, eterocheneidat cultural y pensamiento zibico.

. A ideya nazional d'Aragón, lidera y por tanto se combierte en motor de o resto de as baluras que empentamos, ya que debe serbir ta la cosecuzión de os mesmo. Una begata alcanzato ro nuestro ideyal, o nazionalismo carexe de sendito y trasziende a fabor de o pensamiento zibico. Por tanto, sirbe a o desembolique de o prozeso recostruzión nazional d'Aragón que empentamos.

. O nuestro nazionalismo por tanto pretende calar una baluras de superazión cutia y de rebitalizazión de a nuestra autoestima como Pueblo y como ziudadanos. Os aragoneses sí podemos, y debemos fer-lo, y sólo lo lograremos dende una autitut integradora y trasbersal, que permita partizipar en o prozeso a totz os ziudadanos sin esferenzias de sexo, raza, relichión, pensamiento, profesión, u posizión economica.

Un proyeuto de costruzión nazional s'aposenta en as suyas baluras, y a suya fortaleza penderá de a l'adempribie y creyenzia de que os ziudadanos tiengan istas baluras.