Tierra Aragonesa. Identidad y soberanía
- Foro
- Blogs
- Bideos
- Galería Fotografica
- Afillar-se
- Ficha Simpatizant
- Boletín Notizias
- Aria Pribata
- Campaña Firmas
Campaña Fueros- Decumentos
- Botiga
- TA en a Prensa
- Fe a tuya proposa
- Ayuta economica
- Da-nos a tuya opinión
- Organizazión
Post-aragonesismo
 |
En o suyo diya Chuaquín Costa, empentó o rechenerazionismo aragonés, un gran paso adebán en a epoca en que s'enzetó dito pensamiento. O esito de l'adempribio sozial de o pensamiento aragonesista, nos ha proporzionato a os aragoneses notables enantes, y dica o punto, de que o suyo discurso ye acolotato, y poco más tiene que oferexer-nos.
En istos intes, ye un pensamiento inconcreto de caráuter esfensibo que no plega de definir un proyeuto global ta Aragón, mantiene un anacronismo bitimista, que trasmite un esprito redotista en os suyos propios planteyamiento, ye un pensamiento maleyable dende o zentralismo politico asinas comoa fazilment asumible, y a suya treslazión ta la politica de partitos gosa rematar en o fázil pauto "d'alguza" por o poder, con o consecuent esencatamiento de os ziudadanos.
Sin dembargo, l'adempribio sozial de l'aragonesismo politico, ha tenito como consecuenzia que dimpués de sieglos os aragoneses tornásenos a tener una ideya como coleutibo, sin querer-lo, y sin estar- estar muito coszients, empezipiemos a estar nazión de nuebo.
En resumen, o pensamiento aragonesista debe quedar superato si Aragón y os aragoneses como Pueblo queremos tener un pensamiento politico con un discurso propio y clau de futuro ta Aragón. Cal que dixemos de pensar en terminos esclusibament esfensibos y bitimistas. Aragón ye un territorio rico, con muito potenzial, con una chenerazión muito capaz, y que puede costruyir-se un gran esdebenidero, muito millor de o que podamos agora prexinar.
Ta que nos creigamos Aragón de beras, cal replecar que sí podemos consiguir o que nos proposemos como coleutibo. Fa falta afundar dillá de o pensamiento rechenerazionista de Costa, cal que blinquemos ta o post - aragonesismo.
