Tierra Aragonesa. Identidad y soberanía
- Foro
- Blogs
- Bideos
- Galería Fotografica
- Afillar-se
- Ficha Simpatizant
- Boletín Notizias
- Aria Pribata
- Campaña Firmas
Campaña Fueros- Decumentos
- Botiga
- TA en a Prensa
- Fe a tuya proposa
- Ayuta economica
- Da-nos a tuya opinión
- Organizazión
Por o Progreso Sozial d’Aragón
Tierra Aragonesa pretende combertir-se en un patrimonio coleutibo de totz os aragoneses, no nomás d’os suyos melitantz. Ista ye una responsabilidat y un compromís que os ombres y mullers de Tierra Aragonesa tenemos asumito dende o prenzipio.
A nuestra pasión por Aragón no esmerexe d’ixa que tenemos por a libertat, a igualdat, a solidaridat, a cultura popular y l’abanze sozial que constituyen os nuestros siñals d’identidat como partito. O nuestro proyeuto politico no se beye amugato á discursos idrolochicos, de demandas de competenzias u bitimismo barato. Ye en sí mesmo un proyeuto de progreso sozial.
Mantener y afundar en l’estato de bienestar en Aragón, fendo-lo más efeutibo y millor diya zaga diya ye un ochetibo que requiere de que disposemos de totz os nuestros propios recursos economicos. Podemos creyar o nuestro propio modelo, esferent y millor. Aragón amenista milloras en muitas dembas que con l’autual sistema autonomico no puede consiguir: una funda reforma d’a sanidat publica y d’o sistema educatibo aragonés, o pleno desembolique d’as nuestras infraestruturas, un rete más efezient de tresporte publico, una politica de seguridat reyalment efizient, un sistema chudizial propio y independient y un amplo programa de proteuzión d’os consumidors, una soziedat que chenere ocupazión de calidat, no precaria, y con capabilidat t’amillorar sustanzialment o poder alquisitibo d’os treballadors y d’as treballadoras d’Aragón…
Y tamién un seutor interpresarial muito más competitibo d’o que agora tenemos, con una politica fiscal propia que empare y incentibe antis que á dengún á os autonomos y chicorrons interpresarios, a fuerza reyal d’o texito interpresarial d’o nuestro país. A soberanía economica ha de traduzir-se en más riqueza, azesible y millor distribuyita grazias á o incremento d’oportunidatz que tiengan os ziudadanos.
O progreso sozial se consigue, consecuenment, á trabiés d’a busca d’ideyas, conzeutos y soluzions que leben á la soziedat enta un desembolique gradual y ilimitato d’as suyas aptitutz u capabilidaz inteleutuals y morals, d’as suyas condizions materials d’esistenzia y, en cheneral, l’abanze d’a zebilizazión, sin menoscabo d’o respeuto, d’as guaranzias indibiduals, d’a libertat y d’a economía de mercato.
